திருமறையூர் மறுரூப ஆலய பிரதிஷ்டை பண்டிகை விழா ஆரம்பம்

நாசரேத்,ஆக;03:திருமறையூர் சேகரம் மறுரூப ஆலய பிரதிஷ்டை பண்டிகை விழா நாளை 4ம் தேதி துவங்கி வரும் 8ம் தேதி வரை நடக்கிறது. 4,5ம் தேதிகளில் (வெள்ளி, சனி) ஆகிய இரண்டு நாட்கள் கன்வென்ஷன் கூட்டத்தில் தூத்துக்குடியை சார்ந்த சகோ.செல்வக்குமார் தேவ செய்தியை கொடுக்கிறார். திருமறையூர் பிரைட் ஆர்கெஸ்ட்ரா குழுவினர் சிறப்பு பாடல்களை பாடுகின்றனர்.

6ம் தேதி ஞாயிறு காலை 9 மணிக்கு பரி.திருவிருந்து ஆராதனையும்,அதனைத்தொடர்ந்து மாலை 6:30 மணிக்கு பண்டிகை ஆராதனை  மூக்குப்பீறி சேகர குரு ஞானசிங் எட்வின் தலைமையில் நடக்கிறது. 7ம் தேதி திங்கட்கிழமை காலை 5 மணிக்கு அசனப்பண்டிகையின் பரி.திருவிருந்து ஆராதனை சேகர குரு ஜாண் சாமுவேல் தலைமையில் நடக்கிறது.மாலை 4:30 மணிக்கு அசனவிழாவும், 8ம் தேதி மாலை 7 மணிக்கு ஸ்தாபனங்களின் கலைநிகழ்ச்சியுடன் விழா நிறைவு பெறுகிறது. 

ஏற்பாடுகளை சேகர குரு ஜாண் சாமுவேல், சபை ஊழியர் ஸ்டான்லி ஜாண்சன் துரை,ஆலய பணியாளர் ஆபிரகாம், அசன கமிட்டி உறுப்பினர்கள்,சபை மக்கள் செய்து வருகின்றனர்.