சாத்தான்குளம் அருகே வியாபாரியை தாக்கி ரூ 1லட்சம் பறிப்பு - 2 பேர் கைது

சாத்தான்குளம்  அருகே சந்தை வியாபாரியை தாக்கி ரூ 1லட்சத்தை பறித்து சென்றதாக இருவரை போலீசார் கைது செய்து மேலும் இருவரை தேடி வருகின்றனர். 

சாத்தான்குளம்  அருகே உள்ள பெருமாள்குளம் தெற்கு தெருவைத் சேர்ந்தவர் சுடலைமணி மகன் இந்து ராஜ் (25). சநதை வியாபாரியான இவர் கடந்த ஆகஸ்ட் மாதம் நடந்த அதே பெருமாள்சுவாமி கோயில் கொடைவிழா சென்றபோது மீரான்குளம் மெயின்ரோட்டைச்சேர்ந்த அப்டப் ஞானம் மகன்  சாமுவேல் காட்வின் (23), அதிசயகுமார், தமிழ்ராஜ் மகன் பொன் கெய்சர் (24), வினோத் குமார் ஆகியோர் ஒதுக்கி நிற்க கூறியதில் பிரச்னை ஏற்பட்டு  முன்விரோதம் உள்ளது. 

இந்நிலையில் கடந்த 16ஆம்தேதி இந்து ராஜ், செய்துங்கநல்லூர் சந்தையில் வியாபாரத்தை முடித்து இரவு வீடு திரும்பினார். அப்போது பைக்கில் வந்த சாமுவேல் காட்வின், அதிசயகுமார், பொன்கெய்சர், வினோத்குமார் ஆகியோர் வழி மறித்து  அவரை அவதூறாக பேசியதுடன் தாக்கினர். மேலும் அவரது பையில் இருந்து கிழே விழுந்த ரூ1. 15 லட்சம் பணத்தை எடுத்து கொண்டு, கொலை மிரட்டல் விடு¢தது சென்றுவிட்டனர். இதில் காயமடைந்த இந்துராஜ் சாத்தான்குளம் அரசு மருத்துவமனையில் முதலுதவி சிகிச்சை பெற்று  நெல்லை மருத்துவ கல்லூரி அரசு மருத்துவமனையில் அனுமதிக்கப்பட்டுள்ளார். 

இதுகுறித்து இந்து ராஜ் சாத்தான்¢குளம் போலீசில் அளித்த புகாரின் பேரில் சிறப்பு   உதவி ஆய்வாளர்  முருகேசன் வழக்குபதிந்தார்.  உதவி ஆய்வாளர்  சுரேஷ்குமார் விசாரணை நடத்தி சாமுவேல்காட்வின், பொன் கெய்சர் ஆகியோரை வெள்ளிக்கிழமை  கைது செய்து மற்ற இருவரையும் தேடி வருகின்றார்.