திருச்செந்தூர் முருகப் பெருமான் இன்று சூரனை வதம் செய்கிறார்

திருச்செந்தூர் முருகப் பெருமான், லட்சக்கணக்கான பக்தர்கள் முன்னிலையில் இன்று சூரனை வதம் செய்கிறார். இந்த காட்சியை காண பல்வேறு நாடுகளில் இருந்தும் பக்தர்கள் வந்து குவிந்தவண்ணம் உள்ளனர். 

முருகப்பெருமானின் ஆறுபடை வீடுகளில் திருச்செந்தூர் அருள்மிகு ஸ்ரீ.செந்திலாண்டவர் திருக்கோயில் 2வது படைவீடாகும். இந்த கோயிலில் ஆண்டு தோறும் நடைபெறும் சஷ்டி விழா மிகவும் பிரசித்திபெற்றதாகும். இதில் அநீதியை அழிக்கும் அடையாளமாக சூரசம்ஹாரம் நிகழ்ச்சி நடைபெறுகிறது. பல்வேறு பூஜைகளுக்கு பிறகு இன்று மாலை சூரனை வதம் செய்யும் சூரசம்ஹாரன் நிகழ்ச்சி நடைபெறுகிறது. இதனை காண லட்சக்கணக்கான பக்தர்கள் வந்த வண்ணம் உள்ளனர். அனைத்து ஏற்பாடுகளையும் அறங்காவலர் குழு செய்து வருகிறது.