முருகனின் அறுபடை வீட்டில் அமர்ந்து பிரியாணி சாப்பிட்ட நவாஸ் கனி ஆதரவாளர்கள் - ஹிந்து அமைப்புகள் கொதிப்பு

மதுரை திருப்பரங்குன்றம் சுப்பிரமணிய சுவாமி கோயில் மலையின் புனிதத்தை காக்கும் வகையில் ,அங்கு உயிர்ப்பலி கொடுத்து சமைத்து சாப்பிட போலீசார் தடை விதித்துள்ள நிலையில், ராமநாதபுரம் எம்.பி.,யும் வக்பு போர்டு  வாரிய  தலைவருமான நவாஸ் கனியுடன் வந்தவர்கள், மலைப்படிக்கட்டில் பிரியாணி சாப்பிட்டனர் என்ற சர்ச்சை எழுந்துள்ளது.

ஹிந்துக்கள் புனிதமாகக் கருதும் திருப்பரங்குன்றம் மலையில், அங்குள்ள தர்காவில் ஆடு வெட்ட முயன்றதை போலீசார் தடுத்தனர்.  வழிபடத்தடையில்லை உயிர் பலி கொடுக்கத்தான் தடை என அரசு தரப்பில் தெரிவிக்கப்பட்டது. ஆனால் இதை பொருட்படுத்தாமல், கடந்த18ல் ஆடு கோழி வெட்டி சமபந்தி விருந்து கொடுக்கப்போவதாக கூறி சில முஸ்லீம் அமைப்புகளைச் சேர்ந்தவர்கள் மலையேற முயன்றனர். 

இதற்கிடையே மலை மீதுள்ள சமண குகையை ஆக்ரமிக்கும் நோக்கில் பச்சைபெயின்ட் அடித்துள்ளது சர்ச்சையை ஏற்படுத்தியுள்ளது. இச்சூழலில் நேற்று முன்தினம் எம்.பி நவாஸ் கனி திருப்பரங்குன்றம் மலை மீதுள்ள  தர்காவை ஆய்வு செய்ய வந்தார்.அங்குள்ள போலீசாரிடம் மலை மேல் உணவு கொண்டு போக எழுத்துப்பூர்வமாக தடை விதிக்கப்பபடடுள்ளதா? எனக் கேட்டார் போலீசார் இல்லை’ என்றனர். அவருடன் வந்தவர்கள் பார்சல் கொண்டு வந்து சாப்பிடவும் தடை உள்ளதா? எனக்கேட்க ’இல்லை’ என போலீசார் கூறினர். 

இதை தங்களுக்கு சாதமாக்கிக் கொண்ட அவர்கள், தயாராக பார்சலாக வாங்கி வந்த பிரியாணியை மலைபடிக்களில் வைத்து அமர்ந்து சாப்பிட்டனர். இதற்கு ஹிந்து அமைப்புகளின் நிர்வாகிகள் கடும் எதிர்ப்பு தெரிவித்துள்ளனர். அவர்கள் கூறியதாவது : புனிதமாகக் கருதப்படும் மலைமீது உயிர் பலி கொடுக்கக்கூடாது என்று, தொடர்ந்து போராடி வருகிறோம். ஆசைவ உணவை வேறு இடத்தில் சமைத்து எடுத்து வந்து மலையில் எந்த இடத்திலும் அமர்ந்து சாப்பிட்டாலும், அதுவும் புனிதத்தை பாதிக்கும் செயல்தான். சில அமைப்புகளின் தூண்டுதலால் திருப்பரங்குன்றம் மலையை, பிரச்னையாக்கி வருகின்றனர். 

ஆதிகாலத்தில் இருந்து என்ன நடைமுறைகள் இருந்ததோ, அது தொடரவேண்டும். ஹிந்துக்களின் புனிதத்தை பாதிக்கும் வகையில் யார்  செயல்பட்டாலும் போராட தயங்க மாட்டோம். முருகன் மலையை விட்டுக் கொடுக்க மாட்டோம். இவ்வாறு அவர்கள் கூறினர்.