மேலசண்முகபுரம் முனியசாமி கோவில் கொடைவிழா - அமைச்சர் கீதாஜீவன் சாமி தரிசனம்

தூத்துக்குடி மேலசண்முகபுரம் முனியசாமி கோவில் கொடைவிழாவை முன்னிட்டு நடத்தப்பட்ட விளையாட்டு போட்டியில் வெற்றி பெற்றவர்களுக்கு அமைச்சர் கீதாஜீவன் பரிசுகளை வழங்கினார். 

தூத்துக்குடி, மேலசண்முகபுரம் முனியசாமி கோவிலில் கொடை விழா  கடந்த  26ம் தேதி கால்நட்டு விழாவுடன் தொடங்கியது. அதனை தொடர்ந்து 7 நாட்கள் தினமும் இரவு முனியசாமிக்கு சிறப்பு அலங்காரத்துடன் சிறப்பு பூஜைகள் நடத்தப்பட்டன. 8ம் நாளில் கோவில் கொடைவிழாவின் சிகர நிகழ்ச்சிகள் நடைபெற்றன. அப்போது அங்கு சிறப்பு விருந்தினராக அமைச்சர் கீதாஜீவன் கலந்து கொண்டார். 

கோவிலில் சாமி தரிசனம் செய்து கொண்ட அமைச்சர், அங்கு நடத்தப்பட்ட விளையாட்டு போட்டியில் வெற்றி பெற்றவர்களுக்கு பரிசுகளை வழங்கினார். அப்போது மாநகர திமுக செயலாளர் ஆனந்தசேகரன், வட்டச்செயலாளர் சுரேஷ், வட்டப்பிரதிநிதிகள் சண்முகையா, மதியழகன், பாஸ்கா், தொழிலதிபா் விஜயராஜ், மற்றும் மணி, அல்பட், கோவில் நிர்வாகிகள் பக்தர்கள் கலந்து கொண்டனர்.