கள்ளச்சாராய வேட்டைக்காக அடர்ந்த காட்டுப்பகுதிகள் சென்ற 7 போலீசார் மாயம்

கள்ளச்சாராய வேட்டைக்காக கல்வராயன்மலை அடர்ந்த காட்டுப்பகுதிகள் சென்ற 7 போலீசார் மாயமாகியுள்ளனர். அவர்களை தேடும்பணி நடைபெற்று வருகிறது. 

கள்ளக்குறிச்சி கள்ளச்சாராய விவகாரத்தில் அடுத்தடுத்து அசாதார சம்பவங்கள் நடந்து கொண்டே இருக்கிறது. இதுவரை 58 பேர் உயிரிழிந்துள்ளனர். இந்த நிலையில் கள்ளச்சாராய வேட்டைக்கு அடர்ந்த காட்டுப்பகுதிக்குள் சென்ற 7 போலீசாரின் நிலை என்னவென்று தெரியவில்லை. காட்டுப்பகுதிக்குள் கள்ளச்சாராயம் காய்ச்சுவதை கண்டுபிடிப்பதற்காக 20 பேர் கொண்ட திருச்சி பட்டாலியன் டீமில் 13 பேர் திரும்பியுள்ளனர். மீதமுள்ள 7 பேரின் நிலை என்னவென்று தெரியவில்லை. வழி தெரியாமல் காட்டுப்பகுதிக்குள் சிக்கிக் கொண்டனரா? அல்லது வேறு எதும் காரணம் உண்டா என்பது குறித்து அரசு தரப்பு தீவிரமாக விசாரித்து வருகிறது. அவர்களை தேடும் பணி நடைபெற்று வருகிறது. 

இந்தநிலையில் மாயமான 7 போலீசாரும் வீடு திரும்பிவிட்டதாக தற்போது தகவல்கள் தெரிவிக்கப்படுகின்றன.