தை அமாவாசையை முன்னிட்டு அரசு விரைவு போக்குவரத்து கழகம் சார்பில் சிறப்பு பூஜை

தை அமாவாசை அன்று மறைந்த மூதாதையருக்கு திதி கொடுத்தால் அவர்களின் வாரிசுகளுக்கு நன்மை கிடைக்கும் என்பது ஐதீகம். அதனடிப்படையில் தை மற்றும் ஆடி அமாவாசையின் போது மறைந்த மூதாதயர்களுக்கு அதிக அளவில் திதி கொடுக்கப்படுகிறது. அது தொடர்பான சிறப்பு பூஜைகள் நடத்துவது வழக்கம். அந்த வகையில் தை அமாவாசை நாளான இன்று(29.01.2025)பல்வேறு பகுதிகளில் திதி கொடுக்கும் நிகழ்ச்சிகள் நடைபெற்றன.  

அதுபோல் பணியின் போது உயிரிந்த ஊழியர்கள் மற்றும் பயணத்தின் போது உயிரிழந்த ஆன்மாக்களுக்காக தூத்துக்குடி புதிய பேருந்து நிலையம் பகுதியில் அரசு விரைவு போக்குவரத்து கழகம் மற்றும் அரசு போக்குவரத்து கழகம் சார்பில் தை அமாவாசை சிறப்பு பூஜை நடத்தப்பட்டது. இந்த நிகழ்ச்சியில் ஓட்டுநர்கள், நடத்துநர்கள் கலந்து கொண்டனர்.