கூடுதல் மினி பேருந்துகளுக்கு வாய்ப்பு - வழிமுறைகளை வெளிட்டார் கலெக்டர் இளம்பகவத்

தூத்துக்குடி மாவட்டத்தில் மினி பேருந்துகள் இயக்க புதிய விரிவான திட்ட வழிமுறைகளின் முக்கிய அம்சங்கள் குறித்து மாவட்ட கலெக்டர் இளம் பகவத் தகவல் வெளியிட்டுள்ளார். 

இதுகுறித்து அவர் வெளியிட்டுள்ள செய்தி குறிப்பு: 

தூத்துக்குடி மாவட்டத்தில் கிராமங்கள், குக்கிராமங்களின் குடியிருப்புகளில் உள்ள மக்களுக்கு எந்த பாதையும் இணைக்கப்படாமல் இருப்பதை உறுதிசெய்யும் வகையில் பொருளாதார மற்றும் ஒழுங்கான ஒருங்கிணைந்த சாலை போக்குவரத்து சேவையை வழங்குவதற்காக மினிபேருந்து சேவைக்கான புதிய விரிவான திட்டம் வெளியிடப்பட்டுள்ளது.

அனுமதிக்கப்பட்ட வழித்தடத்தின் நீளம் 25 கி.மீ. இருக்க வேண்டும். குறைந்தபட்ச சேவை செய்யப்படாத பாதை நீளம் சாலையின் மொத்த பாதை நீளத்தில் 65 சதவீதத்துக்கு குறைவாக இருக்கக் கூடாது. தொடக்கப்புள்ளி, முனையப்புள்ளி என்பது சேவை செய்யப்படாத குடியிருப்பு,கிராமத்தில் ஏதேனும் ஒன்றாக இருக்க வேண்டும். புள்ளிகளில் ஒன்று பேருந்து நிறுத்தம் அல்லது பேருந்து நிலையம் ஆகியவற்றில் ஏதேனும் ஒன்றாக இருக்க வேண்டும்.

முனையப்புள்ளியில் இருந்து அடுத்த 1 கி.மீ. தூரத்தில் அரசு மருத்துவமனை, மேல்நிலைப் பள்ளி, கல்லூரி, ரயில் நிலையம், உழவர் சந்தை, வேளாண் ஒழுங்குமுறை சந்தை, ஆட்சியர் அலுவலகம், வட்டாட்சியர் அலுவலகம். புகழ்பெற்ற வழிபாட்டு தலங்கள் அல்லது பஸ் நிலையத்திற்கு சற்று முன்பு அமைய நேரிடும் பட்சத்தில் ஒட்டு மொத்த வழங்கப்பட்ட வழித்தடத்தில்  அனுமதிக்கப்பட்ட பாதை நீளத்தை விட அதிகமாக இருக்கும் நேர்வில் வட்டாரப் போக்குவரத்து அதிகாரி. அரசு போக்குவரத்து கழகங்கள், உள்ளாட்சி அமைப்புகள், வட்டாரப் போக்குவரத்து அலுவலகங்களுடன் கலந்தாலோசித்து மேற்கூறிய தேவைப்படும் இடங்களுக்கு பயணிகள் சென்றடைய உதவும் வகையில், சேவை பகுதியில் 1 கி.மீ. வரை கூடுதல் தூரத்தை அனுமதிக்கலாம். 

பழைய மினிபேருந்து திட்டத்தின் கீழ் ஏற்கனவே அனுமதி பெற்ற உரிமையாளர்கள் இப்புதிய திட்டத்தின்கீழ் மாறுவதற்க்கு விருப்பத்தினை எழுத்துபூர்வமாக அளித்து அனுமதிசீட்டினை ஒப்படைக்க வேண்டும்.

இப்புதிய வழித்தடத்தில் குறைந்தபட்சம் 1.5கி.மீ. கூடுதல் சேவை செய்யப்படாத பாதை இருக்க வேண்டும். 1989 ம் வருடத்திய தமிழ்நாடு மோட்டார் வாகன விதி 3 உட்பிரிவு படி சிற்றுந்து வாகனத்தின் இருக்கைகள் ஓட்டுநர் மற்றும் நடத்துநர் இருக்கைகள் தவிர்த்து 25 ஆக இருக்க வேண்டும், மேலும், வாகனத்தின் சக்கரங்களின் இடைவெளி 390 செ.மீ.க்கு மிகாமல் இருக்க வேண்டும். நிலைப்பேருந்து அல்லது சிற்றுந்து இயக்கப்படும் வழித்தடத்தின் ஒருபகுதி அல்லது வழித்தடங்களில் பொதுமக்கள் எண்ணிக்கை உள்ளதை சேவை நாளொன்றுக்கு போதுமானதாக இல்லாத மேற்கொள்ளும் வாகன இயக்கங்களின் 4 நடைகளுக்கு குறைவாக செய்யப்படாத பாதையாக கருதப்படும். தூத்துக்குடி மாவட்டத்தில் இந்த மினிபஸ் புதிய வரிவான திட்டம் 2024ன் கீழ் வழித்தட வரைபடங்களுடன் கூடிய விவரங்களை மேற்காணும் நிபந்தனைகளுக்குட்பட்டு பொதுமக்கள், மக்கள் பிரதிநிதிகள், தனியார் அமைப்புகள் மற்றும் பஸ் உரிமையாளர்கள் வட்டாரப் போக்குவரத்து அதிகாரியிடம் சமர்ப்பிக்கலாம் என அவர் தெரிவித்துள்ளார்.