தூத்துக்குடியில் தேங்கும் அளவிற்கு நல்ல மழை பெய்தது

சித்திரை மாதம் பிறந்தது முதல் வெயிலின் தாக்கம் அதிகமாகவே இருந்தது. வெயிலில் இருந்து தப்பிப்பது எப்படி என்று ஊடகங்கள் மூலம் பட்டிமன்றமே நடந்து வந்தது. இந்தநிலையில் வானிலை மாற்றம் காரணமாக தமிழகத்தில் பல்வேறு பகுதிகளில் மழை பெய்யும் என்று வானிலை ஆய்வு மையம் தெரிவித்தது. 

வைகாசி மாதம் முதல் நாளான இன்று காலை முதல் சுமார் இரண்டு மணி நேரம் தூத்துக்குடி மற்றும் தூத்துக்குடி சுற்றுவட்டாரங்களில் பெரும்பாலான பகுதிகளில் நல்ல மழை பெய்தது. நேற்று வானம் மேக மூட்டத்துடன் இருந்ததோடு சில இடங்களில் சிறிதளவு மழை பெய்தது. அதை வைத்து விவசாயிகள் மகிழ்ச்சி என்று பத்திரிக்கைகள் வழக்கம் போல் செய்தி வெளியிட்டது. அந்த செய்தி வீணாகிவிட கூடாது என்பதுபோல் இன்று மழை கொட்டி தீர்த்தது. உண்மையில் இன்று பெய்த மழை காரணமாக விவசாயிகள் மற்றும் பொதுமக்கள் மகிழ்ச்சி கொண்டனர்.