“PSLV, ஒரு பயணிகள் ராக்கெட்!” - முதுநிலை அறிவியலாளர் வெங்கடேஸ்வரன் சொல்லும் சுவாரஸ்ய தகவல்கள்!
isro-pslv-rocket-is-a-passenger-rocket

இஸ்ரோவிலிருந்து ஒரு செயற்கைக்கோள் கடந்த சனிக்கிழமை அதிகாலையில் விண்வெளிக்கு அனுப்பப்பட்டது. அது இந்தியாவிலிருந்து ஏவப்பட்டது என்றாலும் கூட, முற்றிலும் சிங்கப்பூரின் செயற்கைக்கோளாகத்தான் அதனுள் இருந்தது. இந்த செயற்கைக்கோள் பற்றி முதுநிலை அறிவியலாளர் த.வி.வெங்கடேஸ்வரன் (விகியான் பிரசார், டெல்லி) அவர்களிடம் பேசினோம்.
சமீபத்தில் அனுப்பப்பட்ட PSLV ராக்கெட், இந்திய செயற்கைக் கோள்களை கொண்டதா?
“இல்லை. இஸ்ரோவிலிருந்து அனுப்பப்பட்ட அந்த PSLV ராக்கெட்டானது ஒரு பயணிகள் ராக்கெட். புரியும்படி சொல்லவேண்டும் என்றால், எப்படி ஒரு வாடகைக் காரில் நாம் செல்லும் இடத்தை அடைகிறோமோ அதே போல் சிங்கப்பூரானது தனது விண்கலத்தை இந்தியாவின் PSLV ராக்கெட் உதவியுடன் செயல்படுத்திக்கொண்டது.