மஹாராஷ்டிராவில் பாஜக வெற்றி - தமிழகம், கர்நாடகம், மே.வங்கம் பாஜக வெற்றிக்கு அறிகுறி

மும்பை - தை 3(17.01.2026)

இந்திய அரசியலில் பாரதிய ஜனதா கட்சி (பாஜக) சில மாநிலங்களில் மட்டுமே நேரடி ஆட்சிப் பொறுப்பில் இல்லாத நிலையில் இருந்தாலும், உள்ளாட்சித் துறையில் நாடு முழுவதும் தன் வலுவான நுழைவை தொடர்ந்து விரிவுபடுத்தி வருகிறது. தமிழகம்,கேரளம்,  மேற்குவங்கம் போன்ற மாநிலங்களில் மாநில ஆட்சி இல்லாத போதும், உள்ளூர் அரசியலில் பாஜக தன் அடையாளத்தை உறுதிப்படுத்தி வருகிறது. இந்த சூழலில், மஹாராஷ்டிரா மாநகராட்சி தேர்தலில் பாஜக தலைமையிலான ‘மஹாயுதி’ கூட்டணி பெற்ற அபார வெற்றி, அக்கட்சியின் தேசிய அரசியல் வளர்ச்சிக்கு முக்கிய திருப்புமுனையாக அமைந்துள்ளது.

மஹாராஷ்டிரா: நகர்ப்புற அரசியலில் பாஜக ஆதிக்கம்

மொத்தம் 29 மாநகராட்சிகளுக்கு நடைபெற்ற தேர்தலில், 25க்கும் மேற்பட்ட மாநகராட்சிகளை பாஜக கூட்டணி கைப்பற்றும் நிலை உருவாகியுள்ளது. குறிப்பாக, மும்பை மாநகராட்சி – 28 ஆண்டு தாக்கரே குடும்ப ஆதிக்கத்திற்கு முடிவு, தானே, நாக்பூர், நவி மும்பை – பாஜக கூட்டணியின் முழு ஆதிக்கம், காங்கிரஸ், சரத் பவார் தலைமையிலான NCP – பெரும் பின்னடைவு என மஹாராஷ்டிராவின் அரசியல் முகமே மாறி வருகிறது. இந்த வெற்றி, “நகர்ப்புற அரசியல் இனி பாஜகவின் பலமான கோட்டையாக மாறி வருகிறது” என்பதை உறுதிப்படுத்தியுள்ளதாக அரசியல் வல்லுநர்கள் கூறுகின்றனர்.

மோடி – அமித்ஷா நம்பிக்கை: தமிழகம், மேற்குவங்கம் இலக்கு

பிரதமர் நரேந்திர மோடி மற்றும் உள்துறை அமைச்சர் அமித்ஷா ஆகியோர், “தமிழகம்,கர்நாடகா,கேரளம் மற்றும் மேற்குவங்கத்தில் பாஜக ஆட்சி வரும்” என தொடர்ந்து அரசியல் மேடைகளில் தெரிவித்து வருகின்றனர். இதனை எதிர்க்கட்சிகள் அரசியல் முழக்கமாக விமர்சித்தாலும், சமீபகால தேர்தல் முடிவுகள் மற்றும் உள்ளாட்சி வெற்றிகள் அந்த நம்பிக்கைக்கு வலு சேர்ப்பதாகவே பார்க்கப்படுகிறது.

உள்ளூர் அரசியல் முதல் தேசிய அரசியல் வரை பாஜக சாதக சூழல்

கடந்த சில ஆண்டுகளில், உள்ளாட்சித் தேர்தல்கள், மாநகராட்சி தேர்தல்கள், சட்டசபை இடைத்தேர்தல்கள், லோக்சபா தேர்தல்கள் என அனைத்துக் களங்களிலும் பாஜக தொடர்ச்சியான வெற்றிகளையும் ஆதரவு அதிகரிப்பையும் சந்தித்து வருகிறது. தேர்தலுக்குப் பிந்தைய கருத்துக்கணிப்புகள், அரசியல் சர்வேகளும் பெரும்பாலும் பாஜகவிற்கு சாதகமாகவே இருந்து வருகின்றன. அதுமட்டுமல்லாமல், எதிர்க்கட்சிகளின் உள் முரண்பாடுகள், கூட்டணி அரசியல் குழப்பங்கள், தலைமைச் சிக்கல்கள் கூட, பாஜகவிற்கு ஆதரவை உருவாக்கும் சூழலை ஏற்படுத்தி வருவதாக அரசியல் விமர்சகர்கள் தெரிவிக்கின்றனர்.

தமிழக அரசியல்: ஓரங்கட்டப்பட்ட கட்சி என்ற பார்வை மாறுகிறது

இந்த அரசியல் பின்னணியில் பார்க்கும்போது, தமிழகத்தில் பாஜக இனி ஓரங்கட்டப்பட்ட கட்சி அல்ல என்ற நிலை உருவாகி வருகிறது. மாநகராட்சி அரசியல், நகர்ப்புற வார்டு அரசியல், சமூக ஊடக அரசியல், தேசிய அரசியல் பிரதிபலிப்பு என அனைத்து தளங்களிலும் பாஜக தன் இருப்பை படிப்படியாக வலுப்படுத்தி வருகிறது.

மஹாராஷ்டிராவில் கிடைத்துள்ள இந்த வெற்றி, தமிழக பாஜக அமைப்பிற்கு புதிய உற்சாகம், எதிர்க்கட்சிகளின் அரசியல் யுத்தியை மறுஆலோசனை செய்யும் கட்டாயம், வரவிருக்கும் உள்ளாட்சி, சட்டசபை தேர்தல்களில் புதிய அரசியல் சமன்பாடுகள் என்பவற்றை உருவாக்கும் என அரசியல் வல்லுநர்கள் மதிப்பிடுகின்றனர்.

உள்ளாட்சியில் நுழைவு – ஆட்சிக்கான அடித்தளம்

மாநில ஆட்சி இல்லாத போதும், உள்ளாட்சித் துறையில் காலடி பதிப்பதே எதிர்கால ஆட்சிக்கான அடித்தளம் என்ற பாஜகவின் அரசியல் யுத்தி, மஹாராஷ்டிரா வெற்றியால் மீண்டும் உறுதி செய்யப்பட்டுள்ளது. இந்த அடிப்படையில், “தமிழகம், கர்நாடகம்,கேரளம் மற்றும் மேற்குவங்கத்தில் பாஜக ஆட்சி வரும்” என்ற மோடி – அமித்ஷா நம்பிக்கை, இனி வெறும் அரசியல் வாசகமாக அல்ல, எதிர்கால அரசியல் கணிப்பாகவே பார்க்கப்படுகிறது.

மொத்தத்தில், மஹாராஷ்டிரா மாநகராட்சி வெற்றி, பாஜகவுக்கு ஒரு மாநில வெற்றி மட்டுமல்ல; தேசிய அரசியலில் அதன் ஆதிக்கத்தை விரிவுபடுத்தும் முக்கிய அரசியல் குறியீடாக மாறியுள்ளது. அதன் தாக்கம், தமிழகம் உள்ளிட்ட மாநிலங்களிலும் அரசியல் களத்தில் புதிய மாற்றங்களை உருவாக்கும் என்பதில் சந்தேகம் இல்லை.