சிவசைலம் அருட்ஜோதி ஆசிரமத்தில் அன்னதானம் - திரளான பக்தர்கள், பொதுமக்கள் பங்கேற்பு

தை பூசத் திருநாளை முன்னிட்டு தென்காசி மாவட்டம், அம்பாசமுத்திரம் அருகே உள்ள சிவசைலம் பகுதியில் அமைந்துள்ள அருட்ஜோதி ஆசிரமத்தில் சிறப்பான அன்னதான நிகழ்ச்சி நடைபெற்றது. ஆன்மிக முக்கியத்துவம் வாய்ந்த இந்த நிகழ்ச்சியில் சுற்றுவட்டார கிராமங்களைச் சேர்ந்த ஏராளமான பக்தர்கள் மற்றும் பொதுமக்கள் கலந்து கொண்டு உணவு அருந்தினர். 

ஆண்டுதோறும் தை மாதத்தில் நடைபெறும் பல்வேறு ஆன்மிக நிகழ்ச்சிகளில் அன்னதானம் முக்கிய நிகழ்வாக கருதப்படுகிறது. அந்த வகையில், நேற்று தை பூசம் நாளை முன்னிட்டு சிறப்பு பூஜைகள், வழிபாடுகள் மற்றும் ஆன்மிக நிகழ்ச்சிகள் நடைபெற்றன. இதனைத் தொடர்ந்து நடைபெற்ற அன்னதான நிகழ்ச்சியில் ஆண், பெண், குழந்தைகள் என அனைத்து தரப்பினரும் கலந்து கொண்டனர்.அன்னதானத்தில் சாம்பார், ரசம், காய்கறி பொரியல், கூட்டு, மோர் உள்ளிட்ட வகை வகையான சைவ உணவுகள் பக்தர்களுக்கு வழங்கப்பட்டது. நிகழ்ச்சியில் கலந்து கொண்டவர்கள், ஆசிரமத்தின் ஆன்மிக சூழல் மற்றும் சேவை மனப்பான்மையை பாராட்டினர்.

இந்த நிகழ்ச்சிக்கான அனைத்து ஏற்பாடுகளையும் அருட்ஜோதி ஆசிரம கமிட்டியினர் சிறப்பாக செய்திருந்தனர். மேலும், தை பூசத் திருநாளை முன்னிட்டு சமூக ஒற்றுமை மற்றும் மனிதநேயத்தை வெளிப்படுத்தும் வகையில் அன்னதானம் நடைபெற்றது குறிப்பிடத்தக்கது.