சீனாவில் அதிகார குவிப்பு ! - யாருக்கு பாதிப்பு ?

கடந்த வாரம் சீன அரசியலில் நிகழ்ந்த அதிரடி மாற்றங்கள், உலக அரசியல் வட்டாரங்களை அதிர்ச்சியிலும் குழப்பத்திலும் ஆழ்த்தியுள்ளன. உலகின் இரண்டாவது பெரிய பொருளாதாரமும், முக்கிய ராணுவ வல்லரசுமான சீனாவில் அரசியல் மற்றும் ராணுவ அதிகார மையங்களில் ஏற்பட்டுள்ள இந்த திடீர் மாற்றங்கள், சீனாவின் உள்நாட்டு அரசியலை மட்டுமல்லாமல், உலக அமைதிக்கும் ஆசியப் பாதுகாப்பு சூழலுக்கும் பெரும் தாக்கத்தை ஏற்படுத்தக் கூடியதாக பார்க்கப்படுகிறது.

அண்டை நாடான சீனாவுடன் இந்தியாவுக்கு உறவும், உராய்வும் கலந்த உறவு இருப்பதால், சீனாவில் நடக்கும் இந்த அதிகார மாற்றங்கள் இந்தியாவுக்கு என்ன விளைவுகளை ஏற்படுத்தும் என்பது தீவிரமாக கவனிக்க வேண்டிய விடயமாகியுள்ளது.

சீன அரசியல் அமைப்பு: கட்சியே அரசு, கட்சியே ராணுவம் சீனாவின் அரசியல் அமைப்பு, ஜனநாயக நாடுகளின் அரசியல் அமைப்புகளிலிருந்து முற்றிலும் மாறுபட்டது. சீனாவின் உச்ச அதிகாரம் சீன கம்யூனிஸ்ட் கட்சி (CPC) யின் கையில்தான் உள்ளது. நாட்டை நிர்வகிப்பது அரசாங்கம் அல்ல; CPC அரசை வழிநடத்துவது பாராளுமன்றம் அல்ல; Politburo ராணுவம் அரசுக்குக் கீழ்படிவதில்லை; கட்சிக்குக் கீழ்படிகிறது சீன ராணுவமான மக்கள் விடுதலைப் படை (PLA), அரசின் ஆயுதப்படையாக இல்லாமல், கட்சியின் அதிகாரத்தை பாதுகாக்கும் தனிப்படையாக செயல்படுகிறது.

PLA-வை மேற்பார்வை செய்யும் அமைப்பே மத்திய ராணுவ கமிஷன் (CMC). அதன் தலைவர், CPC பொதுச்செயலாளரே. ஜி ஜின்பிங்: கூட்டுத் தலைமையிலிருந்து ஒற்றைச் சர்வாதிகாரத்திற்கு 2013-ல் சீன கம்யூனிஸ்ட் கட்சியின் பொதுச்செயலாளராகவும், சீன அதிபராகவும் பதவியேற்ற ஜி ஜின்பிங், 2018-ல் பதவிக்கால வரம்பை நீக்கி, 2023-ல் மீண்டும் பதவியில் தொடர்ந்தார்.

இதன் மூலம்: கட்சியில் இருந்த கூட்டுத் தலைமை முறை முற்றாக கலைந்தது. அதிகாரம் ஒரே நபரிடம் குவிந்தது. சீனா மீண்டும் தனிநபர் சர்வாதிகார பாதையில் நகரத் தொடங்கியது. ஆனால், முழு அதிகாரமும் கையில் இருந்ததாக தோன்றினாலும், PLA மீது முழு ஆளுமை ஜி ஜின்பிங்கிடம் இல்லை என்பதே உள்ளக உண்மை. PLA மீது பிடியை இறுக்கிய அதிரடி நடவடிக்கை. இதுவரை 7 உறுப்பினர்களைக் கொண்டிருந்த CMC-யில், கட்சி பிரதிநிதிகளும், ராணுவ பிரதிநிதிகளும் இருந்தனர். கடந்த வாரம்: CMC-யின் உபதலைவர் உள்ளிட்ட உச்ச ராணுவ அதிகாரிகள் இருவர் திடீரென நீக்கம். ஊழல், அதிகார மீறல் என்ற குற்றச்சாட்டுகள். சில தகவல்களின் படி கைது, சில தகவல்களின் படி தப்பிச் சென்றதாகவும் செய்திகள் வந்தன. இதன் விளைவாக, 7 உறுப்பினர் CMC → செயல்பாட்டில் 2 உறுப்பினர் CMC, PLA மீதான அதிகாரம் முழுமையாக ஜி ஜின்பிங் கைக்கு இது சீன அரசியல் வரலாற்றில் மிகப் பெரிய அதிகாரக் குவிப்பு நடவடிக்கையாக பார்க்கப்படுகிறது.

சர்வதேச ஊடகங்களும், உளவு வட்டாரங்களும் கூறும் முக்கிய காரணம்: ஜி ஜின்பிங் தைவான் மீது ராணுவ நடவடிக்கையை தீவிரமாக பரிசீலித்து வருகிறார். 2028 CPC மாநாட்டில், மாவோ சேதுங் போல வாழ்நாள் தலைவராக மாற வேண்டும் என்பது அவரது இலக்கு. PLA-வின் மூத்த ஜெனரல்கள், குறிப்பாக ஜெனரல் ஜாங் யூசா, தைவான் போருக்கு எதிராக இருந்ததாக கூறப்படுகிறது. இதன் காரணமாகவே, PLA-வின் மேல்தளத்தில் இருந்த எதிர்ப்புச் சத்தங்களை அடக்க, இந்த அதிரடி நடவடிக்கை எடுக்கப்பட்டதாகவும் கருதப்படுகிறது.

உலகத்திற்கான விளைவுகள் சீனா மீண்டும் முழுமையான சர்வாதிகார நாடாக மாறும் அபாயம். தைவான் போர் ஏற்பட்டால், அமெரிக்கா, ஜப்பான், தென் சீனக் கடல் நாடுகள், உலக வர்த்தகம், அனைத்தும் பாதிக்கப்படும், உலக பொருளாதாரம் பெரும் அதிர்ச்சியை சந்திக்கும் அபாயம் உள்ளது. இரண்டாம் உலக வல்லரசில் இந்த அளவிலான அரசியல் நெருக்கடி, உலக அமைதிக்கே சவாலாக பார்க்கப்படுகிறது.

ஜி ஜின்பிங் தனிப்பட்ட முறையில் இந்தியாவுடன் நல்லுறவை விரும்புவதாகக் கூறப்படுகிறது. ஆனால் PLA, CIA, ISI போன்ற உளவு அமைப்புகளின் ஊடுருவலால் இந்திய விரோத மனப்பாங்குடன் செயல்படுகிறது என்பது நீண்டகால குற்றச்சாட்டு. எல்லைப் பிரச்சனைகளும் இதன் வெளிப்பாடே PLA மீது ஜி ஜின்பிங் முழு கட்டுப்பாட்டைப் பெற்றால்: சீன வெளிநாட்டு கொள்கையில் ஒருங்கிணைப்பு ஏற்படலாம். இந்தியா–சீனா உறவில் புதிய சமநிலை உருவாக வாய்ப்பு பாகிஸ்தான் போல “ராணுவம் ஆட்சி செய்யும் நாடு” என்ற நிலை, சீனாவிலும் உறுதியாகலாம். 

சீனாவில் நடந்துள்ள இந்த அதிரடி அதிகார மாற்றங்கள்: சீன அரசியல் வரலாற்றில் முக்கிய திருப்பமாகும். உலக அரசியல் சமநிலையை மாற்றக்கூடிய நிகழ்வு இது. இந்தியா உள்ளிட்ட அண்டை நாடுகள் மிகுந்த எச்சரிக்கையுடன் கவனிக்க வேண்டிய நிலை ஏற்பட்டுள்ளது. ஜி ஜின்பிங்கின் ஒற்றைத் தலைமையாண்மை நிலைத்தால், அது சீனாவுக்கும் உலகுக்கும் நல்லதா, கெட்டதா என்பது எதிர்காலமே தீர்மானிக்கும்.

ஆனால் ஒன்று மட்டும் உறுதி — சீனாவில் நடப்பது, இனி சீனாவின் உள் விவகாரம் மட்டும் அல்ல; அது உலக அரசியலின் மைய செய்தியாகும்.