தூத்துக்குடி மீனவ மாணவர்களுக்கு ஜிபி ரேட்டிங் படிப்பிற்காக ஸ்டெர்லைட் கல்வி உதவித் தொகை

0
68
sterlite

தூத்துக்குடி, நவ. 20. தூத்துக்குடியை சேர்ந்த மீனவ சமுதாயத்தை சேர்ந்த கடல்துறை சார்ந்த ஜிபி ரேட்டிங் படிப்பிற்காக கல்வி உதவித் தொகையை ஸ்டெர்லைட் காப்பர் நிறுவனம் வழங்குகிறது.

தூத்துக்குடியில் உள்ள மீனவ சமூகத்தைச் சேர்ந்த மாணவர்கள் ஜிபி ரேட்டிங் படிப்பில் சேருவதற்கான கல்வி உதவித் தொகையை ஸ்டெர்லைட் காப்பர் நிறுவனம் வழங்குகிறது. மீனவ சமுதாய மாணவர்கள் இந்த படிப்பில் சேருவதன் மூலம் பொருளாதார மற்றும் தொழில் ரீதியாக அவர்கள் மேம்பாடு அடைவதற்கான வாய்ப்பை ஸ்டெர்லைட் வழங்குகிறது. இதன் மூலம் அவர்கள் தொழில் திறன் மேம்படுவதோடு, கடல் சார்ந்த தொழில் துறையில் சேரவும் வாய்ப்பும் கிடைக்கும்.

இந்த கல்வியின் முதல் பகுதி கடந்த ஜூலை மாதம் துவங்கியது. இதில் மீனவ சமுதாயத்தைச் சேர்ந்த 10 மாணவர்கள் படித்து வருகிறார்கள். இந்த மாணவர்கள் வரும் டிசம்பர் மாதம் பட்டம் பெறுவார்கள். அவர்களின் கல்வித் தகுதி, செயல் திறன் மற்றும் பொருளாதார நிலையின் அடிப்படையில் மாணவர்கள் தேர்வு செய்யப்பட்டு இந்த படிப்பில் சேர்க்கப்பட்டுள்ளனர்.

2வது பகுதி மாணவர்களுக்கான விண்ணப்பம் மற்றும் தேர்வு நடைமுறைகள் வரும் ஜனவரி மாதம் வெளியிடப்படுகிறது. இந்த 6 மாத படிப்பிற்கான கல்விக் கட்டணம் ஒரு மாணவருக்கு 1 லட்சத்து 75 ஆயிரம் ரூபாய் ஆகும்.

பொது நோக்க மதிப்பீடு என்னும் ஜிபி ரேட்டிங் பயிற்சிக்கான உதவித் தொகை திட்டத்தை ஸ்டெர்லைட் நிறுவனம், அரசூர் பூச்சிக்காடு ஜெயந்திநாதர் கடல்சார் கல்வி நிறுவனத்துடன் இணைந்து வழங்கி வருகிறது. பள்ளிப் படிப்பை முடித்த மாணவர்கள் இதில் சேரலாம்.

இது குறித்து ஸ்டெர்லைட் காப்பர் நிறுவனத்தின் தலைமை செயல் அதிகாரி பங்கஜ் குமார் கூறுகையில்: தூத்துக்குடியில் உள்ள அனைவரையும் தன்னிறைவு அடையச் செய்யும் நோக்குடன் நாங்கள் பல்வேறு முயற்சிகளை மேற்கொண்டு வருகிறோம். அதில் சமூகத்திற்கு முதலிடம் என்று நாங்கள் நம்புகிறோம்.

எனவே மீனவ சமுதாய மக்களின் தேவையை புரிந்து கொண்டு, ஜிபி ரேட்டிங் படிப்பிற்கு நாங்கள் கல்வி உதவித் தொகையை வழங்கி வருகிறோம். இது மாணவர்களிடம் இயற்கையாகவே இருக்கும் கடல் சார்ந்த திறன்களை மேம்படுத்த உதவுகிறது. டிசம்பர் மாதம் முதல் பேட்ச் பட்டம் பெற்று வெளி வருவதை பார்க்கும்போது, வரவிருக்கும் பேட்ச்சில் கூடுதல் விண்ணப்பங்கள் மற்றும் மாணவர்கள் சேர்க்கை இருக்கும் என்று நாங்கள் ஆவலுடன் எதிர்பார்க்கிறோம் என்று கூறினார்.

தூத்துக்குடி மக்களுக்கு நிலையான வாழ்வாதாரத்தை வழங்கும் முயற்சியின் ஒரு பகுதியாக ஸ்டெர்லைட் காப்பர் நிறுவனம் சமூகம் சார்ந்த நடவடிக்கைகளான கல்வி, சுகாதாரம், சுத்தமான குடிநீர், மரம் நடுதல், இளைஞர் திறன் மேம்பாடு மற்றும் பெண்களுக்கான அதிகாரம் உள்ளிட்டவைகளில் பல்வேறு மேம்பாட்டு பணிகளை செய்து வருகிறது

LEAVE A REPLY

Please enter your comment!
Please enter your name here